Міністерство школства, вызерать то так, буде мусіти заплатити у звязку з проєктом Інфовек 2 покуту у вышкі 790.000 евр. Потвердила то шефка резорту Мартіна Лубійова по вчерайшім засіданю влады. Як міністерка школства повіла, „достали сьме вердікт о покуті у вышкі 790.000 евр з причины того, же в року 2015, в часі мініструваня Дакслера, быв підписаный договор, котрый замість того, абы перейшов змаганям, быв реалізуваный прямым поступом, то значіть продовжували з додавательом Телекомом“. Резорт уж ся за єй словами немать як одволати. „Є то в штадію правоплатности. Вызерать то так, же покута є неминуча. З найвекшов правдеподобностьов ся нам ю неподарить збавити“, додала шефка резорту школства.

(TASR)