Од 1. януара сприступнило Міністерство школства, баданя, розвитку і молодежі СР нову інформачну сістему про едукацію дорослых. Єй цїлём є поступно вытворити зрозумілый і пeреглядный реґістер якостного навчаня дорослых, котрый буде служыти навчалным інштітуціям, обчанім і заместнавателїм. TASR о тім інформовав одбор комунікації і маркетінґу резорту. Як приближыв, на інформачнім порталї буде поступно доступных 13 реґістрів про різны области навчаня ці пораденства. Інформації ту подля нёго найдуть і обчане, котры сі в рамках цїложывотного навчаня хотять доповнити знаня, зручности і компетенції так, жебы одповідали потребам сучасности. Повно функчный буде притім од януара 2026.

(TASR, Шутіова)