Властникы родинных домів, котры хочуть затеплити свою негнутелність, на тот крок можуть знова здобыти дотацію од штату. Міністерство доправы і выставбы Словацькой републикы опубліковало в тых днях на своїм інтернетовім сайті уж третю вызву на передкладаня жадостей на фінанцову поміч на затепліня родинного дому. Максімална вышка фінанцовой помочі ся збівшыла з 6500 евр в першых двох вызвах на 8 800 евр. Інтересуючі можуть подавати свої жадости о фінанцову поміч од 1. авґуста до 31. октобра того року, як ся до того часу ненаповнить їх максімальне чісло, то значить 500.
(Петро Кімак-Фейко)