Міністерка інвестицій Вероніка Ремішова в Бруселі представила пропозицію партнерского договору, подля котрого буде Словакія інвестовати скоро 13 міліард евр в новім проґрамовім періоді. З еврокомісарков про реформу і когезію Елісов Ферреіра говорила о змінах, котры Словакія в еврофондох апліковала і планує аплікувати з цільом зліпшыти і зробити простішым процес їх хоснуваня. Інформував о тім одбор комунікації Міністерства інвестицій, реґіоналного розвоя і інформатізації СР. (TASR, Pkf)