Пару мімовладных орґанізацій вызвало презідента  Петра Пеллеґрініго, абы ветовав новелу закона о незалежнім приступу к інформаціям. Новела подля них аплікує протиуставны елементы, значно огранічить право жытелів на інформації і вытворить простор на свойволю штатных урядників. За найважнішый проблем новелы інфозакона поважують мімовладкы опреділіня даня інформації заплачіньом поплатку. Твердять, же споминане обмеджіня є в конфлікті з Уставов СР, котра непознать можность обмеджіти приступ к інформаціям з прічіны незаплачіня поплатку. За вызвов суть  мімовладкы  Via Iuris, Nadácia Zastavme korupciu, Transparency International Slovensko, INEKO, MEMO 98 a Investigatívne centrum Jána Kuciaka. (TASR, Pkf)