Чехы і Словакы собі завдякы взнику Чехословацькой републикы утримали народность, язык і могли сьме ся розвивати. Презідент Чеськой републикы Мілош Земан то повів в рамках свого выступліня в часі славностного проґраму к 100. вырочу приятя Декларації словацького народа і взнику Чехословаьцькой републикы, котрый ся одбыв вчера в Мартіні. Припомянув, же обідвом народам грозило однародніня – Чехом ґерманізація, Словаком мадярізація. „Не суть на світі ближшы народы як чеськый і словацькый. А неіде лем о языкову близькость. Прото вірю, же в рамках Европской унії будеме вєдно довгы рокы. Так само, як єм перед двома днями зажелав на Пражскім граді чеському народу щастливу будучність, то саме желам і вам. Желам вам ласку, щастя, приятельство і щастливу будучність,“ повів Земан.
(TASR)
Фото: TASR