Окремый одвод про обходны рітейлы бы ся мав зрушыти. Закон зтым цільом передкладають на найблизше засіданя парламенту двоми незараджены депутаты Йозеф Мігал і Мартін Поліачік. Подля них інсує міцне підозріня, же одвод быв запровадженый в незгоді з европскыма правилами. Депутаты суть пересвідчены, же новый одвод поміг в януарі того року ку найскорішому наростаню цін потравин за остатніх пять років. Мігал і Поліачік звернули увагу, же одвод може порушовати право Европской унії. „Окрім того, же Словаци платять высшы ціны за потравины, грозить, же ся будеме мусити вшыткы складати на штрофы і вынагороды шкод, котры підуть загранічным обходникам на основі рішіня Судного двору Европской унії і тому треба, просто, штонайскошіе передыйти,“ повів Йозеф Мігал. Законом, котрый передкладають незараджены депутаты, ся має споминаный одвод зрушыти. Правила суть подля Мігала і Поліачіка встановлены так, же пошкоджують головно загранічых подникателів.

(Медвідь, TASR)