Діґіталный світ і ёго різіка про дїти приближують родічім онлайн вечерны школы. Послїднїй четверь в місяцю їх орґанізує Народный коордіначный центер про рїшіня проблематікы насиля на дїтёх, котрый належить під Міністерство роботы, соціалных дїл і родины (МРСДР) СР . У четверь о тім інформовав дочасно повіреный міністер Мілан Крайняк. ,,Заміром вечерных школ є приближыти діґіталный світ про людей, котры не вырастали в онлайн середовищу а дакотры темы про них можуть быти чуджі або непознаны. Дїти сі путь ку інтернету і технолоґіям все найдуть, также кедь хочеме дїти хранити в діґіталнім середовищу, найлїпшов путёв є спознати го а знати о різіках, настрагах і можностях, котры нукать,“ приближыла манажерка проєктів коордіначного центра Зузана Припадова. Ку вечерній школї ся мож припоїти посередництвом онлайн платформы Зоом, близшы інформації публікує міністерство на своїй фейсбуковій сторінцї.

(TASR, Шутіова)