Многы політичны партії уж опубліковали свої транспарентны розрахункы у звязку з фінанцованям волебной кампанії перед септембровыма парламентныма вольбами. Адресы розрахунків суть опублікованы на інтернетовій сторинці Міністерства внутра СР. Партії можуть на кампанію минути найвеце три міліоны евр з DPH. Транспарентны розрахункы мають доступны партії Hlas-SD, ĽSNS, KDH, zoskupenie Maďarské fórum, Občianski demokrati Slovenska, Za regióny, Rómska koalícia, Demokratická strana, так само рух OĽANO a priatelia, Republika, SaS, Sme rodina, Smer-SD, Aliancia a Progresívne Slovensko. Партія і коаліція, котра буде давати на кампань фінанції, мусить їх вести на вынятковім платобнім розрахунку. Мусить іти о розрахунок, котрый патрить конкретній особі і каждый мать приступ к попозераню єднотливых трансакцій. (TASR, Pkf)