Дочасно повіреный шеф резорту внутрїшнїх дїл Роман Микулець (OĽANO) і ґенералный таёмник служобного уряду Міністерства внутрїшнїх дїл СР Петер Коленчік підписали у четверь зо заступцями одборовых союзів колектівны контракты на рік 2023. TASR о тім інформовала говоркыня міністерства Зузана Еліашова. Міністер підписав колектівны контракты про членів і заместнанцїв у верейнім інтересї, ґенералный таёмник підписав за служобный уряд колектівный контракт про штатных заместнанцїв. В колетівных контрактах суть наставлены бенефіты про членів і заместнанцїв, наприклад валорізація платів о 7 процент од 1. януара 2023 а о далшых 10 процент од 1. септембра 2023, тыж одмены за одроблены рокы, тзв. ,,верностне“ членім Поліцайного збору, членім Горьской захранной службы, заместнанцїм в штатній службі і заместнанцїм у верейнім інтересї,“ приближыв міністер. Додав, же є загорнуте і підвышіня доволенкы о єден тыждень над розсяг установленый в Законнику роботы а далше.

(TASR, Шутіова)