Брітаньска премєрка Тереса Мейова роздумує о одложіню даты выступліня Великобрітанії із Европской унії. Тым хоче заборонити, жебы 29-го марца пришло ку такзваному твердому брексіту. В понедільок вечур о тім інформовала аґентура Bloomberg з одкликаньом ся на неменованы жрідла. О темі бы мав владный кабінет діскутовати днесь, з резултатами бы мали познакомити депутатів пополідне і до вечора бы мала влада передложыти односну пропозіцію сеймовні, котра о тім буде голосовати в середу. Джеремі Корбін, лідер Лейбрістічной партії вчера оголосив, же його партія підпорить новый референдум о брексіті з цільом заборонити шкодливому одходу, котрый преферують конзерватівці, чім є думаный твердый брексіт без договору з Европской унійов.

(Медвідь, TASR)