Коаліція рахує, же к істому надслугованю ґенералного прокуратора Яроміра Чіжнара прийде. Выходить то так і прото, же мусять нормалні тырвати терміны повязаны з пропозиціями кандидатів або протестами, повіла то міністерка справодливості Марія Колікова. Мандат Чіжнара кінчить якраз 17-го юла. За найважніше як термін шак Колікова поважує, абы быв зреалізуваный нормалный процес вольбы зо вшыткым, што к тому є потрібне. Меджі то патрять подля міністеркы терміны повязаны з пропозиціями кандидатів, термін на поданя можных протестів, верейну діскусію і нормалне верейне выслуханя. (TASR, Pkf)