Словеньска телевізія і розглас бы мала высылати і проґрамы напрямены на Словаків, котры жыють в загранічу. Посланець Народной рады СР Роман Малатінець (Hlas-SD) то пропонує зашорити меджі головны актівіты інштітуції. Зміну хоче просадити через позмінюючу пропозіцію ку закону о Словеньскій телевізії і розгласї. Зміна бы подля посланця могла прыспіти ку будованю силнїшых одношінь меджі Словаками жыючіма в загранічу і СР, ку пошырїню свідомости о проблематіцї тзв. крянства а прыспіти ку утримованю і розвитку словацькой свідомости в одношіню ку Словакім жыючім в загранічу.

(TASR, Шутіова)