Презідентка СР Зузана Чапутова, котру в середу  в Парижі прияв францюзькый презідент Еммануел Макрон, в сполочнім пресовім выголошіню призначіла Францію за близького партнера і союзника в Европскій унії і НАТО і прідчеркнула, же країны мають сполочны годноты. Макрон знову повторив своє выголошіня з минулорічной навщівы Братіславы, же Словакія уж днесь є ядром Европской унії і проявліньом того є і зволіня Чапутовой за презідентку штату. Чапутова оркім іншого повіла, „EÚ є про жытелів Словакії сімболом многых слобод – слободы путованя, звышованя свойой кваліфікації і роботы. EÚ є і сімболом економічной і соціалной істоты. Дотулять ся то і заведжіня европского мінімалного заробітку, пензійного забезпечіня, охраны в припаді страчіня роботы ці „справодливого зданьованя„ про вшыткых на европскім рынку.“ (TASR, Пкф)