Мадярьскы політічны партії суть приготовлены на сполочны їднаня о їх припадній співпраці. Суть згодны, же їх голос в парламенті бракує. Згодли ся на тім председа руху Spolupatričnosť – Összefogás Саболч Мозеш, председа партії Most-Híd Ласло Шоймош і шеф Мадярьского форуму Жолт Шімон. Мозеш видить будучность політічной репрезентації мадярьской меншыны в співпраці і єдности. Кінцьом юла позывать представителів мадярьской меншыны на стрічу. Шоймош думать, же ключовым є договор меджі Most-Híd і Партійов мадярьской комуніты, но за столом на їднанях має подля нього місце кажда партія, котра хоче помочі народностным меншынам. Шімон підкреслив потребу выяснити собі головно вопросы вартостей і пріоріты, жебы ся на тім пізніше не поділили.

(Медвідь, TASR)