В штатній компанії Лісы СР запроваджують новый модел старостливості о польовны районы, котрый мать значіти радікалны высшы приймы про компанію. По новім ся уж небуде арендовати. Інтересуючі собі можуть купити тзв. одпредай одстрілу. Пресову аґентуру ТАСР о тім інформував Павел Махава, ведучій одбору комунікації Лісів СР з резіденційов в Банскій Быстріці. Як Махала повів, „з 23 районів, в котрых уж быв тот модел реалізуваный, будуть мати Лісы СР в року 2019 профіт вецей як 500.000 евр, в минулім року то было лем 89.000 евр. Наріст профіту так представує вецей як 570 процентів.“ Лісы СР мають у своїй справі цілково 103 польовных районів. В минулості была векшына з них арендована, часто на довгы рокы.
(TASR)