Лікарі достали додаточну понуку на звышіня заробітків. Середній заробіток лікаря в шпиталі з приплатками бы так міг быти в будучім року 4240 евр в грубім, днесь є то 3493 евр. Ішло бы о звышіня о 747 евр. Говорив о тім міністер фінанцій Іґор Матовіч по вчерайшім паругодиновім їднаню на Уряді влады СР. Дане звышіня подля Матовіча обсягує валорізацію, уж прияту зміну закона і днешню понуку. Матовіч доповнив, же основный заробіток атестованого лікаря в шпиталі без приплатків , з 20-рочнов праксов, бы підняв ся о 35 процентів. Намість днешніх 2606 евр бы так быв 3512 евр. (TASR, Pkf)