Лікарьскы одборы пожадали премєра Роберта Фіца о стрічу к меморандуму. Про пресаґентуру TASR то потвердив председа Лікарьского одборового союзу  (LOZ) Петер Вісолайскый. Уряд влады СР на вопросы споминаной пресаґентуры, ці і коли ся стріча одбуде, нереаґував. Як позначів Вісолайскый, же многы пункты не суть фурт сповнены. О повніню меморандума подля його слов їднали і з міністерков здравотницьтва Зузанов Долінковов. Перша стріча з міністерков ся одбыла в новембрі минулого року, днесь жадають другу, абы дознати ся як поступує повніня пунктів з меморандума. Шефка резорту авізовала, же о дальшім їднаню, єднотливых пропозиціях і дальшых детайлох буде найскоріше інформувати  лікарьскы одборы, потім і публіку. (TASR, Pkf)