Лідеры Букурешстькой девяткы (Б9) днесь стрітили ся на саміті в Братіславі, де їднають о веце вопросах повязаных з безпечностьов реґіону і о ефектах продовжуючой російской воєньской аґресії на Україні на реґіон середньой Европы. На стрічі бере участь і ґенералный секретарь Североатлантічной аліанції Єнс Столетенберґ, котрого іщі перед зачатком саміту прияла голова державы Зузана Чапутова в Презідентьскім палаці. Лідеры Б9 реґуларно стрічають ся од 2015-го року, жебы згармонізовати свої позіції перед рядным самітом НАТО. В ґрупі є окрім Словакії Булгарія, Чеська републіка, Естонія, Літва, Латвія, Мадярьско, Польща і Румунія. Ґрупа, котра спаять країны выходного крыла Аліанції, выникла з ініціатівы презідентів Польщі і Румунії і перша стріча презідентів одбыла ся в Букурешті. Днешній саміт є восьмым за порядком.

(Медвідь, TASR)