Міністерка школства, наукы, баданя і шпорту Мартіна Лубіова хоче і в 2019-ім роцї продовжовати в начатых змінах в рамках Народного проґраму розвитку выховы і навчаня. В сферї еврофондів хоче міністерка надвязати на то, же ся резорту школства подарило назад наладити і здобыти од Европской комісії одобрїня сістемы вывжываня еврофондів і подарило ся выголосити вшыткы вызвы. Як увела, перед нами вшыткыма є велика вызва, жебы кінцёвы приїмателї доказали лїпше вывжывати еврофонды з нововыголошеных вызев. В сферї леґіслатівы бы мало подля Лубіовой прийти в роцї 2019 к дакілько змінам, новелізації законів або вытворїню новых, наприклад в области цїложывотного навчаня. Ту має Словакії великы резервы бо до сістемы неформалного навчаня запоєных лем 3,4 процент дорослой популації, причім ЕУ в середнїм має 11 процент а цїль до року 2020 є 15 процент.
(TASR, Цітрякова)
Фото: TASR