Уж лем нецілый тыждень зістав на выбавліня леґітімації на голосованя посередництвом імейлу або писма у евровольбах. Леґітімація уможнить голосовати і мімо тырвалого перебываня в будькотрій волебній містности на Словакії. О леґітімацію треба пожадати село або місто. Писмом або імейлом то мож зробити до 20-го мая. Особно мож леґітімацію выбатити послідній робочій день перед евровольбами, значіть 7-го юна. Села і міста уж скоріше мали публіковати на своїм вебсайті або на урядній табулі імейлову адресу на доручованя жадостей. Село або місто зажене леґітімацію найпізніше три робочі дні од доручіня жадости рекомандом „До властных рук“. Особно або посередництвом уповномоченого леґітімацію мож вывавити почас урядных годин села або міста.

(Медвідь, TASR)