Лікарі, здравотны сестры і здравотны асістенткы бы могли мати опроти остатным робітникам довшу леготу на выповідь, покы бы дали выповідь в роботі. Тота бы ся мала у звязку од довжкы років тырваня роботы рушыти од штандардных двох місцяців аж до пів рока. Выходить то з пропозиції новелы законника праці, котру до Народной рады Словацькой републикы предложыв опозичный посланець Петер Стахура. Продовжіня леготы на выповідь бы ся в сітуації одобріня закона парламентом дотуляло здравотників, котры у заместнавастелів роблять веце як пять років. В такій сітуації бы ся двоймісячна легота продовжыла на штирі місяці. Покы лікарь, здравотна сестра ці асістенткы робить у заместнавателя веце як десять років, была бы  легота на выповідь даного робітника шість місяців. (TASR, Pkf)