Міністерство здравотництва СР авізує управу выглашкы ку дарованю кырви. Хоче при каждім одбері завести тестованя на інфекчне захворіня переносне кровлёв. В припадї дочасного выраджіня з дарцовства хлопів, котры мали в послїднїх 12 місяцёх сексуалный контакт з інакшым хлопом, ся але зміна не планує. Выходить то з выражіня шефа резорту Каміла Шашка (Hlas-SD) в пленї НР СР протягом четверёвой годины вопросів. Реаґовав так на вопрос посланця Ондрея Простредника, коли ся наставлять условія так, жебы кров могли даровати і ґеёві а бісексуалны хлопі.

(TASR, Шутіова)