Бывшый презідент і лідер мімопарламентной страны Za ľudí Андрій Кіска прийме вызву Роберта Фіца на діскусію, але подля інакшых условій, як пропоновав председа Smeru-SD. Кіска на соціалній сїтї ознамив, же ся хоче наперед 16. фебруара стїтири в телевізній діскусії з председом влады Петром Пеллеґрінім (Smer- SD) а потім є приготовленый на дуел з Фіцом. ,,Перед великов публіков- перед штудентами, котру можуть нажыво высылати вшыткы медії, котры будуть мати інтерес,” підчеркнув Кіска. Представив і темы діскусії, котры ся мають дотуляти условій і людей повязаных з враждов новинаря Яна Куцяка і ёго партнеркы Маріны Кушнїровой, таксамо народного фотбалового штадіона, мітного тендра а тыж здравотницьтва і школства.

(Шутіова, TASR)