Міністер фінанцій Кажімір рекомендовав презідентови Кіскови, жебы пороздумовав зречі ся права на даньове тайомство. В релації Fair Play Михала Ковачіча так реаґовав на вопрос, ці бы в припаді публічных діятелів не мали быти інформації о данях їх фірем публічны. Кажімір повів, же кідь хтось запропонує таку зміну закона, він не буде проти і припомянув, же од юнія бы мала зачати платити його пропозіція, же вшыткы надмірны одрахункы із дані з приданой вартости будуть публічны. Субєктів, котры пришли до контакту із інформаціями о Кісковій фірмі KTAG є подля Кажіміра мінімално пять. Фінанчна справа подля міністра вдяка інформачній сістемі видить точну кількость людей, котры смотрили даны о Кісковій фірмі. З тыма людми буде бісідовати поліція, повів міністер.
(Петро Медвідь)