Комісарь про діти Йозеф Міклошко апелує на ускореный заказ вольного продая продуктів з HHC. Звернув увагу на припады отровліня дітей по хоснованю то матерії. Кличе по приятю леґіслатівных зміх. Міклошко вказав на то, же новелізація закона, котров ся мають HHC, HHC-P і HHC-0 записати до списку наркотіків, є в парламенті в другім чітаню. Найблизше рядне засіданя є наплановане на септембер. Комісарь про діти повів, же закон о заказі є посунутый до другого чітаня, но подля нього треба реаґовати і рішыти то скоріше. Звернув увагу на то, же тоты наркотікы суть теперь дітям вольно доступны і можуть собі їх купити в шпеціалных автоматах в накупных центрах. Вызвав зато і накупны центры, жебы переоцінили свої обходны політікы і міру одповідности за общество. Діяня выробців тых продуктів означів Міклошко за неетічне.

(Медвідь, TASR)