Коаліція ся згодла на тім, жебы собі поліцайного презідента выберав міністер внутрішніх справ, кедьже є за нього політічно одповідный. Премєр Едуар Геґер то повів у понедільок в повязаню з пропозіційов коалічных депутатів передложенов до парламенту. Шеф резорту бы собі подля ньой мій выбрати презідента Поліцайного збору сам, выслухованя у выборі бы мало лем конзултачный характер. Коалічны депутаты в новелі закона пропонують посилніня компетенцій міністра внутрішніх справ при выменованю і одкликованю презідента Поліцайного збору і директора Уряду іншпекчной службы. Міністер бы не мав быти обовязаный рекомандаціями выбору. Одкликати шефа поліції, але і іншпекції бы мало быти можливе і без уданя причіны.

(Медвідь, TASR)