Мадярьско-словацькы двойстранны одношіня, кооперація країн Вышеградьской штиркы, але і згоднотїня сітуації Европской унії, были головныма темами стрїчі председу мадярьского парламенту Ласзлоа Ковера з презідентом СР Петром Пеллеґрінім, котрый у четверь на позваня мадярьского презідента Томаса Суліока абсолвовав офіціалну навщіву Мадярьска. Ковер з Пеллеґрінім роковали і о меджінародных вызвах дотуляючіх ся обидвох країн враховано російско-україньской войны, причім говорили і о можностях настолїня што найскорішого міру. Ковер зо семох пріоріт мадярьского председництва підресклив потиснутя нелеґалной міґрації. Мадярьско приобіцяло передовжіня помочі при охранї воздушного простору Словакії до конця рока 2025. Презідент СР Петер Пеллеґріні о тім інформовав по четверёвій стрїчі.

(TASR, Шутіова)