Здобыти зєдининя і сполуналежность є тяжков задачов. Позітівну іншпірацію в нашій історії найдеме праві в оповіданю солуньскых братів, котры пришли на Велику Мораву, жебы ту розшырили віру, освіту і културу. З нагоды Свята св. Кіріла і Мефодїя то увів премєр Едуард Геґер (OĽANO), котрый брав у віторок участь на службі Божій в Нїтрї. Посолство св. Кіріла і Мефодїя ся дать подля нёго розвивати неперерывнов роботов на лїпшій Словакії. Ёго жытелём зарівно зажелав, жебы їх все веце споёвало, як роздїлёвало. Приход солуньскых братів сі припомянув і председа парламенту Боріс Коллар (Sme rodina). Є пересвідченый, же країна бы не мала забывати на своє корїня.
Подля віцепремєркы Веронікы Ремішовой (Za ľudí) указали, яке велике значіня може мати одвага, вытырвалость і робітность єднотливцїв про цїлы народы і ґенерації. Забывати подля нєй не треба на то, же св. Кіріл і Мефодїй принесли на нашу теріторію віру а положыли основы ідентіты і културы, дякуючі котрій можуть і Словаци єствовати як народ.

(TASR, Шутіова)