Коалічна партія Hlas-SD непідпорить консолідачный пакунок, покы закон о мінімалнім заробітку небуде знову вчлененый на актуалне засіданя парламенту. Тыж жадать дофінанцованя самосправ іщі в тім року. Увів то в діскусній релації STVR Sobotné dialógy міністер праці, соціалных справ і родины СР Ерік Томаш. Томаш в рамках споминаной релації тыж повів, же председа SNS Андрей Данко в інтерній комунікації повів, же як недостане функцію председы Народной рады СР, неперестане атакувати партію Hlas-SD а буде то робити і за ціну, же бы влада пала. (TASR, Pkf)