Міністерка здравотництва Андреа Калавска в найблизшім часі передложыть пропозіцію на зміну сучасной леґіслатівы на наставліня такых правил і поступів в процесі выберового конкурзу на обсаджіня амбуланцій захранной здравотницкой службы, котры не будуть выкликовати жадны похыбности о законности, транспарентности того процесу і в будучности вылучать будьякы підозріня в повязаню з выберовым конкурзом. Міністерство о тім в понедільок інформовало аґентуру TASR. Резорт єдночасно діштанцує ся од выражінь представителів OĽaNO, подля котрых Міністерство здравотництва в повязаню з реалізованым выберовым конкурзом на обсаджіня амбуланцій захранной здравотницкой службы, котрый робив Уряд про догляд над здравотницкой старостливостьов, не діяв, як і о выражіню, же Калавска не діяла в припаді одкликаня шефа того уряду Томаша Гашка. Міністерство припомянуло, же владі дала міністерка пропозіцію на одкликаня Гашка, пропозіцію не стягла, ани то не задумує зробити.  Ку процесу выберового конкурзу ся резорт не хоче высловльовати.

(Медвідь, TASR)