Шефка резорту здравотництва вырішыла подати демісю. Днесь має канцеларія міністеркы в тій справі контактовати презідентьскый палац. „Міністерка здравотництва Андреа Калавска вырішыла подати демісію. Канцеларія міністеркы здравотництва буде завтра, значіть у віторок 10-го децембра контактовати презідентьскый палац,“ інформовала аґентуру TASR говоркыня резорту Зузана Еліашова. Калавска понукла свою демісію по тім, як влада минувшу середу стягла пропозіцію реформы шпыталів, тзв. стратіфікацію, зо засіданя парламенту. О день пізніше ся з ньов стрітив премєр Петер Пеллеґріні, котрый хотів, жебы у функції зістала і выразив їй повну підпору. Рішіня стягнути реформу з парламенту не брав за неуспіх Калавской. Повів, же єй має за правилного чоловіка на правилнім місці, котрый зробив у резорті величезне множество роботы і іщі є што робити до кінця волебного періоду.

(Медвідь, TASR)