Каждый, хто в послідніх 14 дньох навщівив країну, котра ся ненаходить на списку менше різіковых країн у звязку зо шыріням захворіня COVID-19, є повинный в смыслі діючого опатріня Уряду верейного здравотницьтва СР (ÚVZ SR) приголосити ся телефонічно або електронічно на належный реґіоналный уряд верейного здравотницьтва. Припоминать то говоркыня ÚVZ SR Даша Рачкова. Реґіоналный уряд верейного здравотницьтва такым людьом потім поможуть зорєнтовати ся в сітуації, поінформують їх з правилами домашньой ізолації і зорґанізують тестованя на захворіня. (TASR, Pkf)