Оправа фунґованя поготовостных апатек, ліпша охорона звірины перед тираням, але і пропозиція на передчасны вольбы. І тоты пункты мають на столі посланці Народной рады Словацькой републикы в рамках продовжуючого 31. засіданя парламенту. З актуалного 95- пунктового проґраму мусять посланці одкрыти ші 69 пропозицій. Перерушене засіданя буде продовжувати завтра рано. Пропозиція новелы закона о медикаментах і здравотницькых потребах, котрый чекать на дефінітівне голосованя, говорить окрім іншого і о тім, же в каждім окреснім місті мать по новім фунґовати мінімалні єдна поготовостна апатека. Одкрыта мать быти до 22.00 годины, то значіть так довго, як суть отворены амбулантны поготовости.
(TASR)