Літні школы ся розбігли барз добрі, до веце як 250 школ на Словакії почас вакацій приголосило ся майже 8500 школярів, котры їх пять днів у тыждню добровольно навщівлюють. Конштатовав то про TASR в понедільок міністер школства Браніслав Ґрылінґ, котрый навщівив літню школу в Крупіні. За словами міністра літні школы буде резорт підпорьовати і почас будучіх вакацій. Резорт бы хотів школы розшырьовати на цілы два місяці і творити іншы модулы, жебы то не мусили быти лем тыждні. Єдночасно бы до того міністер хотів інвестовати векше множество фінанцій. Ґрылінґ повів, же кедь молоды люди хотять прийти почас літніх вакацій до школы і учіти ся і іншыма методами освіты, має то його підпору. Літні школы зачали 10-го авґуста і будуть до кінця місяця. Школярям мають помочі вырівнати розділы в знанях і зручностях, котры выникли або ся проглубили в дослідку коронакрізы.

(Медвідь, TASR)