Презідентка Зузана Чапутова чує вчерайшы вырокы премєрa Іґора Матовіча як снажіня перешмарити одповідність за свої вердікты на дакого іншого. Позначіла, же з председом влады ниякый субой невела, ани ся невысловлювала протів тестованю на захворіня COVID-19. Про пресову аґентуру TASR то повів говорця презіденткы Мартін Стріжінец. Презідентка подля нього вірить, же крізовый штаб обмеджіня мобіліты запропонував по зрілій увагі і у звязку з рекомандаціями одборників. (TASR, Pkf)