Презідентка Словацькой републикы Зузана Чапутова ся днесь  на Празькім граді стрітла з чеськым презідентом  Мілошом Земаном. Наша презідентка є такым способом на першій своїй офіціалній заграничній навщіві, котра ся за традиціями одбывать в Чеській републици. По привітаню і особній дебаті обох президентів  Земан і Чапутова брали участь на пленарнім їднаню делеґацій. Словацьку презідентку тыж чекать стріча з председом Сенату Парламенту Чеськой републикы Ярославом Кубером і з председом Посланецькой снімовні Парламенту Чеськой републикы Радком Вондрачком. В рамках єднодньовой навщівы главного міста ЧР покладе Чапутова вінці к статуї ґенерала Мілана Растіслава Штефаніка і квіты на гріб презідента Вацлава Гавла. Стрітне ся тыж з краянами і буде брати участь на концерті, котрый під назвов „Зузана неє сама дома“ в єй честь одограють словацькы і чеськы музыканты. (TASR, Pkf)