Словеньскый Червеный хрест о днешнього дня зачінать з 26-ым рочником кампанії Валентиньска квапка крови. Цільом є ословити нелем реґулярных дарователів крови, але і першодарователів і забезпечіти так достаток крови і напрік пандемії нового коронавірусу. Пресову аґентуру TASR о тім інфорнмувала за Словеньскый червеный хрест Сілвіа Костелна. Мобілны одберовы місця суть в тім часі зрушены. Дарователі крови шак надале можуть даровати кров на працовісках Народной трансфузной службы і на гематолоґічно-трансфузіолоґічных одділінях в шпиталях на Словакії. (TASR, Pkf)