Депутаты Народной рады Словацькой републікы мають о законах вернутых презідентков Зузанов Чапутовав їднати 2-го септембра. Про TASR то повів председа парламенту Борис Коллар. Тот іщі в пятніцю убезпечів, же в коаліції є згода на тім, жебы ся вето презіденткы переломило. Презідентка іщі кінцьом юла оголосила, же ветує новелу закона о прокуратурі, котров ся має мінити способ выберу ґенералного і шпеціалного прокуратора. Покля парламент вето переломить, Чапутова хоче звернути ся до Конштітучного суду. Не підписала ани далшы два законы, котры были прияты в скороченім леґіслатівнім процесі. Є то новела закона о електронічных комунікаціях і новела закона о комісарьови про діти і комісарьови про особы із здравотным гендікепом.

(Медвідь, ТASR)