Лідры Вышеградской штирькы (V4) діскутовали вчера на відеосаміті з німецьков канцеларков Анґелов Меркеловов і о тім, як бы мала вызерати обнова европской економікы по кризі запричиненой пандемійов нового коронавірусу. Словакію заступовав премєр Іґор Матовіч. Пресову аґентуру TASR о тім інформував пресовый одбор Міністерства заграничных справ і европскых діл СР. Ініціатіву на обнову европскых економік представила в понеділок Анґела Меркелова вєдно з французькым презідентом Емануелом Макроном. Тзв. настрой обновы, котрый пропонують, бы міг мати обєм 500 міліярд евр. Европска комісія бы собі їх пожычала на фінанчных торгах і наслідні їх напумповала до економік членьскых штаттів через европскый бутжет. (TASR, Pkf)