Заграничный выбор Народной рады прияв позицію, котров одмітнув леґітімізацію анехії і окупації Криму навщівами уставных представителів СР. Посланці выбору так зробили по тім, як незарядженый посланец Петер Марчек переднедавном навщівив Крим. Посланці за Словацьку народну партію і Смер-СД ся зо стрічі выправдали. Неучасть посланців за споминаны коалічны партії Чефалвайова коментовала словами, же вшыткы ся выправдали і она недосліджувала, чом неприйшли, „нехочу то судити, є літо і доволенковый час, може, же суть хворы або суть на доволенці“.
(TASR)