Заступцове школ, рештаврацій, готелів ці фітнесс центрів бы ся мали знова стрітнути з премєром
00
Рештаврації, фітнесс центра, плаварні, школы і церьквы бы ся могли поділяти на цілоплошнім тестованю на захворіня COVID-19. За то бы могли за істых додаточных условій отворити свої превадзкы. Повів то премєр Іґор Матовіч по стрічі зо заступцями найвеце постигнутых області. Ці піде Словакія тым напрямом, ся мать вырішыти до пятниці 13-го новембра. Тестованя бы так мали забезпечіти комуніты, котры мають інтерес о отворіня своїх превадзок, штат бы в такім припаді дав матерялне выбавліня і заступців войска ці поліції. Заступцове школ, рештаврацій, готелів ці фітнесс центрів бы ся мали з премєром стрітнути знова завтра 12-го новембра. (TASR, Pkf)
-
Назад / Nazad Зо средства ЕУ буде рекваліфікованых коло 700 робітників Горнонітрянскых бані Пріевідза
-
Далше / Dalše Влада СР продовжыла нудзовый став о дальшых 45 днів