Пропозиція штатного бютжету, презідентков ветоване продовжіня мораторія на предволебны досліджюваня ці реформа шпиталів, такзвана стратіфікація. І то чекать посланців Народной рады СР на посліднім планованім тогорічнім засіданю парламенту, котре ся зачне завтра о 13-ій годині. Пропозиція бютжету общой справы на будучій рік одобрила влада 14-го октобра, Словакії ся за єй інформаціями в тім року неподарило досягнути выровнане господаріня. Дефіціт общіх фінанцій бы мав быти 0,68 % грубого домашнього продукту (HDP), в будучім року бы мав дефіціт пасти на уровень 0,49 % HDP. Выважене господаріня бы мало быти од 2021-го року. (TASR, Pkf)