Завтра 1.новембра выправить Желізнична сполочность Словакія другый вынятковый “душічковый“ ріхлік на трасі меджі Кошыцями і Братіславов. Влак піде о 14.25 годині з Кошыць а до Братіславы мав бы прийти о 20.20 годині. “Тот вынятковый влак діспонує і достаточнов капацітов волных місць про путуючіх,“ інформував о тім говорця словацькой желізничной сполочности Томаш Ковач. Сучасно припомянув, же окрім згаданого влаку доправця посилнив влакы в данім часі свят о 30 такзваных посилюючіх споїнь, придав тыж 19 ваґонів к ІнтерСіті влаком і 98 ваґонів к ріхліком. В припаді потребы авізовала Желізнична сполочность Словакія оператівне посільніня і выбраных реґулярных влаків.
(Петро Кімак-Фейко)