Родиче першаків достануть і в тім року звышеный придавок на дітину в сумі 170 евр. Тота поміч ім буде выплачена в октобрі. Написав о тім на соціалній сіті міністер праці, соціалных справ і родины Ерік Томаш. Штандардна сума придавку на дітину є 60 евр, тота сума ся але подля Томаша звышыть о 110 евр. Право на споминану фінанчну поміч маю родиче дітей, котры першый раз ся стали першокласниками основной школы. Придавок на дітину їм буде за септембер выплаченый в наслідуючім місяці. (TASR, Pkf)