Евангеліци на Словакії і у світі собі днесь припоминають свято Паматкы реформації. Процес реформації стародавньой церькви ся зачав 31-го октобра 1517-го року, кедь авґустияньскый монах, німецькый теолоґ, казатель, реформатор і основоположник протестантізму Мартін Лутгер завісив на двері храму у Віттенберґу 95 тез проти продаваню одпустків. Основов реформації была од його початку навернутя к Божому слову, направліню хыб і очістіня церькви. Выступліньом Мартіна Лутгера у Віттенберґу ся зачав процес, котрый несе назву реформація. (TASR, Pkf)