Пропозіція закона, подля котрого бы до передшкольского заряджіня міг быти приятый лем такый дїтвак, котрый є реґуларно очкованый одповідаючому віку подля очковачого календаря, посунули у четверь посланцї Народной рады СР до другого чітаня. Новела говорить о тім, же колектівне заряджіня вытварять подмінкы злегчуючі заволочіня і шыріня наказы. Не очкованы дїти в колектіві можуть быти прамінём наказы про іншы дїти, котры не можуть быти очкованы про контраіндікацію або суть неімунны про несхопность орґанізму вытворити сі охорону. З того доводу приступив резорт ку управі закона. Міністерка Андреа Калавска (німонантка Smeru-SD) в діскузії ку пропозіції новелы припомянула, же опатрїнём реаґує на великый поклес колектівной імуніты. Подля єй слов грозить, же ся на Словакії зачнуть шырити інфекчны хвороты, котры ся ту дотеперь не шырили.

(Шутіова, ТASR)