Словаци ся на рік 2024 позерають оптімістичніше, як ся позерали на рік 2023. Скоро 41 процентів респондентів очікує, же тот рік буде про них особно ліпшый. Скоро 39,4 процента очікує згодный рік як быв тот минулый. Выходить то з дани контінуалного дослідженя з одношніня обывателів “Як ся мате, Словакія?“.  Гіршый або скоріше гіршый рік очікує вєдно 19,7 процента Словаків. “То є значно менше як перед роком, кедь аж 35 процент респондентів очікувало, же рік 2023 буде гіршый як рік 2022,“ поуказали авторы дослідженя. Споминане дослідженя было реалізуване в дньох од 28-го децембра до 3-го януаря на взорці 1000 респондентів. Іде о серію досліджень, котры інісіовала сполочность MNFORCE, комунікачна аґентура Seesame в сполупраці зо Соціолоґічным інштітутом Словацькой академії наук (SAV) і Інштітутом дослідженя соціалной комунікації SAV. (TASR, Pkf)