Найвеце заслугуючі довіру меджі політичныма лідрами є председа парламенту і партії Hlas-SD Петер Пеллеґріні. Довірує му 47 процент, недовірює 52 процент опрошеных. Выходить то з дослідженя аґентуры Focus про релацію TV Markíza Na telo. В досліджені реалізуванім в дньох 14-го аж 21-го фебруара одповідало 1025 респондентів. На другім місці са умістнила  презідентка СР Зузана Чапутова. Главі штату довірює 43 процент і недовірює 56 процент ословеных в досліджіню. Третім заслугуючій довіру є премєрь СР і лідер  Smeru-SD Роберт Фіцо. Довіру му высловило 34 процент, недовіру 65 процент респондентів. (TASR, Pkf)