Вольбы до Народной рады (НР) СР бы в юлі выграла партія Smer-SD із здобытям 23,5 процента голосів.  Другый бы скінчив рух Проґресівне Словеньско   (PS) з підпоров 21,7 процента голосів. По нім бы наслідував Hlas-SD із здобытком 15,5 процента голосів. Выходить то з дослідженя аґентуры  AKO про телевізію Joj 24. До парламенту бы ся достало і KDH (7,4 процента) і Република (5,6 процента). Граніцю зволіня бы перекрочіли i SaS (5,6 процента) і SNS з пятьома процентами. Дослідженя реалізувало ся од 9-го до 15-го юла на взорці 1000 респондентів. (TASR, Pkf)